يحكي الفيلم قصة Bea أو Rose Leslie وزوجها Paul أو Harry Treadaway اللذان يتزوجا في اول الفيلم في امكانيات محدودة ويذهبان لقضاء شهر العسل في كوخ في الغابات يطل علي البحيرة ملك لعائلة Bea ، تتطور الاحداث بعد انقضاء يومان من شهر العسل وبعد ان يقابلا Will أو Ben Huber و زوجته Annie أو Hanna Brown في مطعم Will، يكتشف Paul ان زوجته و Will كانا اصدقاء طفولة ولكن Bea و Paul يشعران بشعور غريب تجاه Will و Annie.
وفي ليلة ينهض Paul من نومه ليكتشف اختفاء زوجته Bea، وبعد بحث في الغابات يجد زوجته تقف في الظلام عارية تماما وكأنها نائمة،
بعد تلك الليلة والتي اصرت Bea تفسيرها علي انها سارت وهي نائمة ولا تدرك ولا تتذكر أي شئ، اصبحت Bea شخص اخر ..
شاهد أيضاً: بالفيديو | Big Hero 6 | استعراض ومناقشة بالعربي
شخص لا يتذكر اكثر واحب واقرب الذكريات بينه وبين شريك حياتها Paul.
يشعر Paul بالخوف الشديد من وعلي زوجته Bea لما طرأ عليها من تغير وخصوصاً بعد ان لاحظ انها تتحدث الي نفسها وكأنها تتحدث لشخص بجوارها وتتحدث عن قتل زوجها.
تتصاعد الاحداث بين Bea و Paul لشكه ان ما حل بها نتيجة لمقابلة صديق الطفولة القديم Will ولكن تحدث اشياء تحتاج لتفسير اكثر.
إقرأ أيضاً: فيلم حماتي بتحبني…..ايه ده ؟!!!
فيلم Honeymoon تم تصنيفه من نوعية افلام الرعب والغموض … (غموض ممكن نمشيها، لكن رعب دي انا ماشتريهاش)
ظهر Will في مشهد واحد، وظهرت Annie في مشهدين …. وباقي الفيلم بأكمله لم يظهر فيه أي شخص اخر غير Bea و Paul وده في حد ذاته مخاطرة كبيرة جدا من المخرج Leigh Janiak (اللي هنتكلم عنه بأستفاضة) لأن انا لو محبتش أو مستظرفتش حد من الاثنين او ممكن هما الاثنين يبقي كده بالشفة الفيلم كله ضاع.
فيلم Honeymoon كان ممكن يكون جزء أو حلقة في مسلسل X-Files بس حلقة واقعة شوية، ممكن نقول اقل حلقة في مسلسل X-Files .
فيلم Honeymoon يعتبر اول تجربة للمخرج Leigh Janiak والمؤلف Phil Graziadei اللي من وجهة نظري كانت ضعيفة ولكن مش عايز احكم عليهم من اول فيلم (وده طبعا لأني واحد من اشد المعجبين بـ X-Files)
مشهد Will أو Ben Huber و مشهدين Annie أو Hanna Brown كان ممكن أي حد ماشي في الشارع زهقان ومش لاقي حاجة يعملها انه يعمل المشاهد دي زيهم بالظبط،
إقرأ أيضاً: Predestination | عندما يحاول الثعبان اكل ذيله
والسؤال هنا، هل فعلا دي مساحة دورهم بس ولا كان ليهم ادوار اكبر من كده واتحذفت في المونتاج!!
Paul أو Harry Treadaway اقنعني في بداية الفيلم كعريس جديد وفي شهر العسل وكده، لكن لم يقنعني تماما بردود افعاله من منتصف الفيلم الي نهايته، اداء بارد جدا وانفعالات ساذجة لا ترتقي لزوج يشعر ان زوجته لم تعد كما قبل وتحاول قتله.
Bea أو Rose Leslie وهي تعتبر بطلة الفيلم (المكون من اثنين فقط!) ادت الدور بشكل عادي، لا تستطيع ان تقول انه اداء سئ ولكنه لا يرتقي للجيد ايضا.
شاهد أيضاً: بالفيديو | A Walk Among the Tombstones | استعراض ومناقشة بالعربي
الموسيقي التصويرية لن تشعر بها الا في اوقات لا تريد ان تشعر بها (اللي فاهم الجملة دي ياريت يفهمهاني) من الاخر كأن مفيش موسيقي اصلا.
فيلم Honeymoon قصة لطيفة مسلية وتستحق المشاهدة (اذا كنت فاضي ومش لاقي حاجة تعمله، لكن لو قدامك 0.01 حاجة تعملها يبقي اكيد الـ 0.01 اولي طبعا)
تقيمي المتواضع للفيلم 5/10
للتواصل مع الكاتب عبر فيسبوك: محمد عبد الخالق