Wetlands | الفيلم ده قصه ولا مناظر؟!

** استعراض ومناقشة بقلم صديق Film Gamed العزيز، الأستاذ / كامل محمد **

السنيما الاوربية غير مشهورة في مصر نتيجة لطغيان السنيما الامريكيه على ذوق المصريين. اتمنى يكون لها متابعه اكتر مننا لان مستوى الافلام في اوروبا عالي. مثال على ده كريستوفر والتز، ٢ اوسكار في ٣ سنين، وفيلم The lives of others.

فيلم الاراضي الرطبه او Wetlands بيحكي عن بنت اسمها هيلين بتقوم بدورها كارلا يوري. البنت دي عندها مشاكل نفسيه بسبب انفصال ابوها وامها. هيلين عندها عقده من امها وحاسه انها سبب حرمانها من ابوها, وفي فلاش باك كل شويه يوضح اسباب العقده دي بسبب تصرفات الأم الغريبه معاها. هيلين بسبب العقده بتعمل كل حاجه امها قالتلها عليها انها غلط.

شاهد أيضاً: بالفيديو | The Judge | استعراض ومناقشة بالعربي

بتنفذها وبتجود احيانا وده هيظهر في بداية الفيلم. مع تمردها الشديد على المجتمع، لدرجة انها لما تمت 18 سنه قلدت الشباب اللي بيروحوا بيوت الدعارة علشان تحتفل زيهم.

السيناريو والحوار كتبه مخرج الفيلم بالاشتراك مع شارلوت روش صاحبة القصة الاصليه وكلاوس فالكنبرج وسابين بوشهامر. ورغم كده السيناريو مترابط والدراما متماسكه والمخرج ديفيد ونيندت قدم الفيلم بصورة ممتازه وقدر يمزج بين الكوميديا والدراما بصورة ممتازه.

الموسيقى التصويريه معلقتش معايا اوي. اكتر شيئ لفت انتباهي في الفيلم طريقة مزج المخرج بين مشاهد مستدعاه من الذاكره ومشاهد الحاضر، وبصورة ممتازه وضح اسباب الحالة اللي وصلت لها هيلين.

دور هيلين اتقدم باتقان شديد وكارلا يوري قدمت اداء ممتاز وقدرت تقدم الكوميديا والاغراء والدراما بإقتدار.

إقرأ أيضاً: فيلم “ديكور”…رقة تنتظر اثبات ذاتها

دور الام قامت بيه ميريت بيكر وهو تاني اهم دور في الفيلم وكانت ممتازه في اداءها. دور الاب كان عادي جدا وكذلك باقي الادوار.

في دور صديقتها كورينا ودي كل الاحداث معاها فلاش باك, دور كويس والبنت ظهرت كما يجب ان تكون اسمها مارلن كروس.

شاهد أيضاً: بالفيديو | Guardians of the Galaxy Review | استعراض ومناقشة بالعربي

تقييم الفيلم على IMDB منخفض لكن الفيلم يستحق اكتر من كده بكتير. انا هديله 8 درجات لأن في نقله في الفيلم بين الكوميديا الخفيفة اللي ماشي بيها طول الفيلم, وكتير من المشاهد للكبار فقط لكن بعد ما توصل للنهايه هتنسى كل المشاهد دي وهتفتكر كم المعاناه الرهيب اللي بيحصل للأولاد لما الابوين بينفصلوا.

إقرأ أيضاً: The Boxtrolls | تطور ملحوظ في صناعة الـ stop-motion

الفيلم تجربه ممتازه لمشاهدة فيلم غير النمط الامريكي. صادم. مش ممل مش هتحس بالوقت وانت بتتفرج عليه.

للكبار اوي فقط.

للتواصل مع الكاتب عبر فيسبوك: كامل محمد

التعليقات و المناقشة

التعليق