Film Gamed » ليوناردو دي كابريو http://www.filmgamed.com موقع سينمائي جديد للعالم العربي Sat, 25 Apr 2026 20:01:59 +0000 en-US hourly 1 http://wordpress.org/?v=3.5.1 بالفيديو | لأن المزيد لن يكون يوماً كافياً http://www.filmgamed.com/%d8%a5%d8%b9%d9%84%d8%a7%d9%86-%d9%81%d9%8a%d9%84%d9%85-the-wolf-of-wall-street/ http://www.filmgamed.com/%d8%a5%d8%b9%d9%84%d8%a7%d9%86-%d9%81%d9%8a%d9%84%d9%85-the-wolf-of-wall-street/#comments Mon, 24 Jun 2013 18:54:01 +0000 filmgamed http://www.filmgamed.com/?p=174 تريلر جديد إستثنائي ظهر الأسبوع الماضي. إستثنائي على العديد من الأصعدة. أولاً لأنه التعاون الخامس بين المخرج الكبير مارتن سكورسيزي و النجم ليوناردو ديكابريو و ثانياً لأنه يجمع فريق ممثلين في غاية القوة و يظهروا معاً لأول مرة و ثالثاً لأنه يحكي قصة حقيقية و مدهشة عن صراع الكسب في سوق المال الأمريكي و كيف نجح فرد في النصب على مئات المستثمرين لعشر سنوات تقريباً قبل أن يتم الإيقاع به:

فيلم “The Wolf of Wall Street” مأخوذ عن قصة بنفس الإسم ل”جوردان بيلفورت” يحكي فيها سيرته الذاتية الصادمة و يوضح فيها كيف جمع مبالغ طائلة من المال عن طريق التلاعب و المخاطرة في سوق المال. جوردان بيلفورت من الذين استغلوا الفقاعات المالية في التسعينات بأن أنشأ شركته الخاصة لتجارة الأصول و استطاع من خلالها أن ينشر و يستفيد من أكاذيب و خدع السوق. ثروة جوردان بيلفورت كان قد تضخمت حتى وصلت به أن إشترى يخت فاخر، كان قد تم صناعته من أجل “كوكو شانيل” ليقدمه هدية لزوجته الثانية و أسماه بإسمها “نادين”، و هو مازال في العشرينات من عمره.

بعد أن تم القبض على جوردان بيلفورت في عام ١٩٩٨ و أتم فترة عقوبته، خرج ليتجه لإلقاء المحاضرات و للتوعية ضد مخاطر الإستثمار و لكيفية تجنب الوقوع في شباك النصابين.

The Wolf of Wall Street ليس هو الفيلم الأول المقتبس من قصة حياة بيلفورت، بل سبقه في عام ٢٠٠٠ فيلم “Boiler Room” و هو فيلم رائع من بطولة جيوفاني ريبيسي و بين أفليك و فين ديزل و لكنه للأسف غير معروف بالقدر الكافي في منطقتنا العربية.

كما ذكرنا، الفيلم هو التعاون الخامس بين مارتن سكورسيزي مخرجاً و ليوناردو دي كابريو بطلاً بعد Gangs of New York و The Aviator و The Departed و Shutter Island آخر أعمالهما في ٢٠١٠. و يشارك دي كابريو البطولة ماثيو ماكونهاي و الإختيار المفاجيء جونا هيل الذي يعود للأفلام الثقيلة فنياً بعد تجربته الأولى الناجحة في هذه النوعية Moneyball مع براد بيت و الذي نال عنه الترشح لجائزة الأوسكار كأفضل ممثل مساعد. يبدو أن جونا هيل لا يتجه للأفلام الجادة إلا عندما يكون مأخوذ عن كتاب.

التريلر الرائع للفيلم يقوم في رأيي على إستعراض جانب جديد على ليوناردو دي كابريو و هو الجانب المجنون الهوائي الذي يتصرف بسخافة لاستعراض ثروته و شركته. كما يظهر ماثيو ماكونهاي في لقطتين في التريلر لحوار واحد يجمعه مع ليوناردو دي كابريو، يقدم فيه أيضاً أداء مجنون و غير سوي و لكن جذاب و ملفت للنظر. كما أنه يبدو في الإعلان نحيفاً بشكل ملفت.

من أبطال الفيلم أيضاً كايلي تشاندلر الذي يقوم بدور رجل المباحث الفيدرالية الذي أوقع ببيلفورت و إسمان آخران كبيران لا يظهرا للأسف في التريلر و هما الممثل الفرنسي الكبير “جون ديجاردان” الحائز على جائزة الأوسكار كأفضل ممثل في عام ٢٠١١ عن دوره الرائع في الفيلم الصامت The Artist, بالإضافة لجون فافرو مخرج الجزئين الأول و الثاني من أفلام Ironman.

كاتب سيناريو الفيلم هو تيرانس وينتر المشهور بأعمال المافيا و العصابات و خصوصاً على شاشات التليفزيون مثل The Sopranos و Boardwalk Empire، في تعاونه الأول مع مارتن سكورسيزي.

موعد عرض الفيلم هو ١٤ نوفمبر من هذا العام، و هو الموعد الطبيعي للأفلام التي تتنافس على موسم الجوائز الأمريكي، مما يعكس ثقة شركة التوزيع “باراماونت” في قدرة الفيلم على حصد الجوائز و المنافسة بقوة.

]]> http://www.filmgamed.com/%d8%a5%d8%b9%d9%84%d8%a7%d9%86-%d9%81%d9%8a%d9%84%d9%85-the-wolf-of-wall-street/feed/ 0 جاك .. ضحية إمرأة مش عاوزة تتداخر شوية http://www.filmgamed.com/%d8%ac%d8%a7%d9%83-%d8%b6%d8%ad%d9%8a%d8%a9-%d8%a5%d9%85%d8%b1%d8%a3%d8%a9-%d9%85%d8%b4-%d8%b9%d8%a7%d9%88%d8%b2%d8%a9-%d8%aa%d8%aa%d8%af%d8%a7%d8%ae%d8%b1-%d8%b4%d9%88%d9%8a%d8%a9/ http://www.filmgamed.com/%d8%ac%d8%a7%d9%83-%d8%b6%d8%ad%d9%8a%d8%a9-%d8%a5%d9%85%d8%b1%d8%a3%d8%a9-%d9%85%d8%b4-%d8%b9%d8%a7%d9%88%d8%b2%d8%a9-%d8%aa%d8%aa%d8%af%d8%a7%d8%ae%d8%b1-%d8%b4%d9%88%d9%8a%d8%a9/#comments Tue, 18 Jun 2013 21:34:26 +0000 filmgamed http://www.filmgamed.com/?p=110 في حلقتنا الجديدة من “حوار مع المرحوم” يسعدنا و يشرفنا أن نستضيف شهيد الحب و رمز التضحية الغرامية و أكثر من ظهرت صورته على أكلاسيرات بنات ثانوي في التسعينات. ضيفنا النهاردة هو “جاك” من “تايتانيك”، اللي ضحى بنفسه علشان “روز” تعرف تبرطع براحتها على لوح الخشب.
المذيع: جاك .. مساء الخير
جاك: مساء النور، ممكن لو سمحت قبل ما نبتدي تطفي التكييف؟
المذيع: آه .. قوي قوي، متأكد إنك مش هاتتحر من غير التكييف؟
جاك: لا ماتقلقش، أنا من ساعة اللي حصل و أنا مابستحملش الساقعة
المذيع: بمناسبة اللي حصل، إنت عارف أنك أصبحت مرجع للحب و الوفاء، و الصورة اللي كل بنت بتدور عليها لما تفكر في الإرتباط؟
جاك: أنا سعيد قوي بالكلام الجميل، بس ايه موضوع الوفاء دة؟
المذيع: يالهوي، دة إنت كلك وفاء في وفاء! دة إنت ضحيت بنفسك علشان تنقذ “روز”!Jack & Rose
جاك: و هم البنات مش عاجبهم غير كدة؟ طب و الرقص و الرسم …. و العربية المشبرة؟
المذيع: آه طبعاً و كل دة. بس إنك تضحي بحياتك و كمان تسمح لحبيبتك إنها تعيش حياتها مع حد غيرك من بعدك، و تحب و تتجوز و تخلف!
جاك: أنا أخلاقي كانت مستحيل تسمح لي بغير كدة! و دة عادي بين أي إثنين عشاق؛ أنا أسمح لها إنها تعيش حياتها مع غيري و هي مع ذلك تصمم إنها تعيش بقية حياتها مخلصة لي.
المذيع: ماهوووووو!!
جاك: في ايه؟
المذيع: إلا و هو إنت ماتعرفش؟!
جاك: أعرف ايه؟
المذيع: “روز !”
جاك: مالها؟
المذيع: بعد مانت اتجمدت و بقيت عامل زي كيس الفارم فريتس في تلاجة كارفور، دلقتك في البحر و لما رجعت بلدها إتجوزت و خلفت و عاشت حياتها عالآخر
جاك: إنت أكيد بتهزر، صح؟
المذيع: أنا آسف عشان صدمتك، أنا ماتخيلتش إن دة شيء ممكن يزعلك! مش إنت اللي طلبت منها كدة؟
جاك: أيوة بس دة على سبيل الذوق! زي لما سواق التاكسي يقول لك “خلي يا بيه”، تقوم شابط في الكلمة و تسوق فيها و تروح تتجوز أول كلب يقابلك؟
المذيع: نعم؟!
جاك: كدة برضو يا “روز”؟ يعني أسيب لك مطرحي عاللوح و أتنقع أنا في الميه المتجمدة من غير حتى ما أقول لك إتداخري شوية و في الآخر أموت زي الفسيخة المملحة و تروحي تتجوزي عليا؟!
المذيع: يا “جاك” إنت مزودها قوي! إنت كدة كدة فيصت و روحت مطرح ما روحت. مش مطلوب من البنت إنها تفضل حاجزة لك مكانك بأجندة و كل ما حد يتقدم لها تقول له “لأ معلش والله، أنا طلعت جاك من إمبارح بالليل و مستنياه يفك”!!
جاك: ايه ياض خفة الدم دي!!Jack Frozen
المذيع: يا عم ماتزعلش و روق كدة! يا جدع دة إنت بقالك ١٦ سنة كاتم على نفس شباب العالم و مكرهم في مناظرهم.
جاك: صحيح والنبي؟
المذيع: آه والله زي مابقول لك كدة. بس كان نفسي أسألك سؤال مهم.
جاك: أؤمر!
المذيع: كان ايه شعورك لما “روز” طلبت منك إنك ترسمها و هي لامؤاخذة لابسة الشراب؟
جاك: شعور بالفخر طبعاً. كون إن الممثلة اللي قامت بدور “روز” تقبل إنها تظهر عارية علشان خاطر شخصية زيي، دة يديك دليل على قد ايه أنا شخصيتي فريدة من نوعها. قرار الظهور بشكل عاري مش قرار سهل على أي ممثلة على فكرة!
المذيع: ماهوووووووووووووووو!!
جاك: ايه تاني؟
المذيع: إلا و هو إنت ماتعرفش؟!
جاك: أعرف ايه؟
المذيع: كيت وينسلت!
جاك: مالها زفتة؟
المذيع: لأ مفيش، بس أصلها من بعد “تايتانيك” تقريباً قلعت في كل الأفلام اللي ظهرت فيها!
جاك: كلها؟!
المذيع: لأ مش كلها … يعني عندك “هولي سموك” و “كويلس” و “آيريس” و “ليتل تشيلدرن” و…
جاك: بس بس! ربنا يستر على ولاياك! هو إنت جاي تنكد عليا و خلاص؟!
المذيع: لأ مش قصدي والله، دة حضرتك حبيبنا كلنا. قبل ما ننهي حوارنا، تحب تقدم أي نصيحة للشباب اللي بيحب لما يتحط في موقف تضحية مع حبيبته؟
جاك: أحب أقول لهم يتبعوا تعليمات الإنقاذ بعناية و ينقذوا نفسهم قبل ما يساعدوا غيرهم. شركات التأمين صرفت ملايين في التعليمات دي ياخونا! ماينفعش هم ييجوا يعلمونا حاجة لمصلحتنا و نيجي إحنا في الآخر نتفلسف! و خدوا مني عبرة! شوفتوا اللي نابنا أنا و خطيبها؟! غرقنا في البحر و هي هاصت و عاشت حياتها! أهو تلاقيه يا عيني مات غرقان و متحسر و ماحدش سأل فيه!
المذيع: ماهووووووووووووووووووووووووووووووووووووووووو!
جاك: يادي النيلة! ايه يابني؟!
المذيع: إلا و هو إنت ماتعرفش؟!
جاك: أعرف ايه؟
المذيع: كال هوكلي!
جاك: قوم ياله من هنا .. دة إنت مذيع قتم و رخم و نكدي … قوم ياض غور من هنا!
]]> http://www.filmgamed.com/%d8%ac%d8%a7%d9%83-%d8%b6%d8%ad%d9%8a%d8%a9-%d8%a5%d9%85%d8%b1%d8%a3%d8%a9-%d9%85%d8%b4-%d8%b9%d8%a7%d9%88%d8%b2%d8%a9-%d8%aa%d8%aa%d8%af%d8%a7%d8%ae%d8%b1-%d8%b4%d9%88%d9%8a%d8%a9/feed/ 0