عارف لما تبقي جعان جدا….و تلاقي أكلة حلوة بتموت فيها…و تفضل تاكل منها لحد ماتجيلك تخمة…بس تطلع في الأخر مبسوط…هو ده بالظبط اللي حصل لي بعد ما شوفت فيلم VHS 2

قصة الفيلم :

الفيلم يندرج تحت تصنيف افلام ال Found Footage و ال Home videos بس بتجربة جديدة و اكثر جرأة…يبدأ الفيلم برجل و امرأة عملهم هو تصوير الاخريين بدون علمهم بناءا علي طلب اشخاص تانيين لتصفية حسابات او ما شابه…لحد ما تطلب منهم سيدة انهم يتتبعوا ابنها المختفي من مدة و بيروحوا البيت اللي المفروض كان ساكن فيه فبيلاقوا مجموعة كبيرة من شرايط الفيديو في كل فيديو قصة غريبة و مريبة كلها تعتمد علي كاميرا الفيديو كمحرك رئيسي لأحداث القصة…
الفيلم هو الجزء الثاني لجزء أول لا اعتقد انه اتعرض في مصر…الفيلم من انتاج 2013 تاخر عرضة لاسباب غير معلومة…لكن متقلقش مش هتحس انه الفيلم له جزء أول خالص…

التمثيل:

نظرا لتعدد الاحداث و القصص ففي أكتر من مجموعة من الممثليين من بلاد مختلفة…يجتمعوا جميعهم في جودة في الاداء و توصيل احساس الرعب و الترقب للمشاهد بكل قوة تخليك تحس انك جزء من الاحداث…

السيناريو و الحوار:

مثله مثل أغلب الافلام اللي من النوع ده…فالحوار محدود لانه الاعتماد الاكبر علي وصولك لاقصي درجات الرعب و الخوف نتيجة الاحداث السريعة المتلاحقة…و هنا تيجي قوة السيناريو في السرد برشاقة و بدون شعورك بالملل للحظة…و في ده بيتميز الفيلم عن باقي افلام ال Found Footage اللي اتقدمت قبل كده…اللي بطء أحداثها كان في بعض الأحيان مشكلة كبيرة…بس مع VHS 2 اقدر أضمن لك أن الفيلم هيخطف انفاسك من أول دقيقة…

شاهد أيضاً: بالفيديو | Predestination | استعراض ومناقشة بالعربي

الموسيقي:

أختفيت الموسيقي تقريبا…لأن الاعتماد الاكبر كان علي مؤثرات الصوت…اللي كانت الأقوي علي الأطلاق في توصيل الاحساس المطلوب و زيادة…

التصوير:

يعتبر التصوير هو البطل الرئيسي في الفيلم ده…الفيلم اتصور باكثر من طاقم للتصوير…من أكتر من بلد…لكل قصة طاقم تصوير مختلف…و تكمن البراعة في انك مش هتحس بده للحظة…بالبلدي يعني كلهم مية واحدة…في سيمفونية رائعة من وجهة نظري…الكادرات رائعة ..تمكن كامل من الادوات في فيلم صعب التنفيذ…تحية خاصة لطاقم تصوير أول قصة…لصعوبة التنفيذ…فالبطل مريض بداء في واحدة من عنيه…و استبدلها بكاميرا دقيقة مرتبطة ب Memory Card… .فتتحول عين بطل القصة الي كاميرا التصوير طوال القصة و حتي نهايتها…مهارة لا حدود لها في التعامل مع عين البطل المصورة للاحداث…كل حاجة كان معمول حسابها حتي “البربشة”…شيء من الأخر مذهل…

إقرأ أيضاً: Honeymoon | حلقة مضروبة من X-Files

المؤثرات البصرية و الصوتية:

و ده تاني اقوي بطل في احداث الفيلم…م الاخر…لو نفسك في اي حاجة هتلاقيها…كمية لا حصر لها من ال jump scares و ال creepy scenes …سريعة متلاحقة….أضمن لك انك مش هتلحق تاخد نفسك لثانية…أما عن ال gory scenes فحدث و لا حرج….وجبة متكاملة لعاشيقيين النوع ده من المؤثرات…اما بالنسبة للمؤثرات الصوتية فنجحت بكفائة في نقل احساس شريط الفيديو باصوات تقطيعاته اللي اضافات جو creepy أكتر ساعد المؤثرات البصرية في اتمام مهمتها…

شاهد أيضاً: بالفيديو | وردة | استعراض ومناقشة بالعربي

الاخراج:

تعامل طاقم الاخراج بكل حرص و جودة للوصول لاقصي درجات الرعب…و التوحد مع احداث الفيلم بحرفية شديدة…كان ليه دور كبير في سرد الاحداث بسرعة معقولة متخليكش تمل للحظة…و تخليك طول الوقت في انتظار المزيد…مازلت شايف أن اقواهم اخراجيا هي القصة الاولي اللي اتكلمت عنها قبل كده…تعامل عالي الحرفية و الحساسية

عيوب الفيلم:

و لأن غالبا الحلو مبيكملش…فانا من وجهة نظري انه اكبر عيب من وجهة نظري المتواضعة…اعتماده في أكتر من قصة علي فكرة ال Zombies الخيالية و اللي اتهرست في مليون فيلم قبل كده…بس انا هعتبر نفسي ملقيتش في الورد عيب مش أكتر مقارنة بمهارة التنفيذ سواء في موضوع Zombies ده اللي تم التعامل معاها برده بزاوية جديدة سواء كعنصر مساعد في واحدة من القصص أو في القصة التي أفردت له بالكامل…

إقرأ أيضاً: Jessabelle | تجربة جيدة كان من الممكن انها تكون افضل

اختراق ال Taboo الديني في واحد من القصص كان غير موفق من وجهة نظري…لأني مصر أننا في مصر لسه غير مهيئببن للنوع ده من الاختراقات…و ده أكيد مش مشكلة صناع الفيلم…كان مشكلة حقيقية للرقابة اللي أجازت الفيلم للعرض …لأن ده طبعا نتج عنه تقطيع لبعض المشاهد في واحدة من القصص…و ده اكتشفته بعد ال search علي ال YouTube و ده الي حد كبير أحذنني…

نهاية الفيلم:

كنت أتوقع الاختلاف عن باقي أفلام ال Found Footage بس ده برده اصابني بخيبة أمل…فالنهاية مفتوحة… من المحتمل أن ده كان مقصود كتمهيد لجزء جديد أو استمرارية الفكرة…تعيب النهاية بس أنها كانت مفاجأة أكتر من المتوقع…بشكل يخليك تقول “ليه كده بس”…

أفيه الفيلم:

و لأن قليل من “الألش” مفيد أحيانا…فأنا منتظر أنه يطلع علينا اللامبدع “محمد حفظي” بعد لقائيين تلاتة يحكي فيهم عن مدي معاناته في تجميع الاحداث و هو في الحقيقة بس شاف الفيلم ده مش أكتر…برائعة جديدة من روائعه و ممكن المرة دي يسميها “فلة” مثلا…أو “VCD” كنوع من التغيير مش أكتر…

شاهد أيضاً: بالفيديو | Gone Girl | استعراض ومناقشة بالعربي

أخيراً:

فيلم VHS 2 يصنف عن جدارة بفيلم من أفلام “احتباس الأنفاس” لو صح التعبير…في وجبة دسمة لكل عاشقيين ال Horror Movies …تصل الي حد التخمة….أعترف…و انا واحد من اللي بيعتبروا نفسهم “راضعيين” للنوع ده من الأفلام لدرجة اللامبلاة…أني خرجت من الفيلم ده فيا حتة خايفة حتي لو كانت أد كدهوه…

بجد أنا ك أيمن أنبهرت…

للتواصل مع الكاتب عبر فيسبوك: أيمن بهاء

فيلم Jessabelle هو من افلام الرعب اللي بتعتمد علي عنصر جذب مهم جداً اليومين دول وهو Trailer الفيلم، وبعد كده تيجي القصة أو الحبكة الفنية .. مش مشكلة ما انا كده كده استدرجتك ودخلتك الفيلم ….

الفيلم بيدور في اطار غامض من الأول ينبئ انك هتشوف فيلم حلو بس مش مصروف عليه، في البداية بنشوف Jessie اللي كانت منتظرة طفل من صديقها Mark ولكن في أول 5 دقائق في الفيلم بيعملوا حادثة وبيموت Mark وبتفقد Jessie الطفل (وبصراحة مش عارف ايه وجه الأستفادة من ال 5 دقائق دول في مجمل الفيلم غير انها اتشلت لفترة وبقت علي كرسي متحرك)

شاهد أيضاً: Big Hero 6 | استعراض ومناقشة بالعربي

بعد ما بتخرج Jessie من المستشفي بيجي ابوها Leon اللي مشفتوش من زمن ومش طايقها وافعاله غريبة معاها ياخدها للبيت اللي علي الشاطئ، بعد فترة بيموت ابوها بشكل بشع،

بتكتشف Jessie شرائط فيديو من امها Kate المتوفية بمرض السرطان بتزود نسبة الغموض بشعور Jessie بكوابيس مخيفة في البيت ده بالذات بالأضافة لمعرفة علاقة Jessie بوالدتها واللي والد Jessie بيكره بشكل غريب ومريب انها تكمل فرجة علي تلك الشرائط.

وبتستمر الأحداث المريبة والغريبة الي ان يتم الكشف عن كل اسباب الأتية:
١) كره الأب لمشاهدة Jessie لشرائط امها Kate
٢) مشاهدة Jessie للكوابيس المتكررة

فيلم Jessabelle من بطولة Sarah Snook اللي بصراحة مشوفتلهاش أي فيلم قبل كده ولكن اعتقد انها ممكن تكون جيدة في افلام الـ Romance و الـ Drama

إقرأ أيضاً: Jurassic World | مادام مش قد عِكوة .. بتستنسخه ليه؟!!

Kate أو Joelle Carter قامت بدور الأم بالشكل المطلوب منها خصوصا ان دور الأم 90% منه عن طريق شرائط الذكريات اللي كانت سيباها لبنتها Jessie

Leon أو David Andrews مأقنعنيش بصراحة في دور الأب وحسيته Over في اداء الدور، ممكن ده يكون من وجهة نظري بس.

Preston أو Mark Webber عمل اللي مطلوب منه في دور صديق الدراسة المتزوج لـ Jessie اللي ظهر بعد موت والدها و كان لازم يكون موجود عشان يبقي في دور رجالي في الفيلم بعد ما توفي ابوها.

شاهد أيضاً: Fury | استعراض ومناقشة بالعربي

مجمل الفيلم كويس مش وحش، ياعني مش هتحس انك اضحك عليك لما شوفته بس ده طبعا ميمنعش انه كان ممكن يتعمل بأحترافية وحبكة اكتر من دي بكتير.

القصة من تأليف Robert Ben Garant اللي عامل سلسلة Night at the museum وفيلم Jessabelle يعتبر أول تجربة ليه في نوعية الرعب والغموض خصوصا ان تقريبا معظم افلامه من نوعية الكوميديا امثال Night at the museum و Balls of fury و Herbie Fully Loaded و The Pacifier

وكان دمج بين الرعب والكوميديا في فيلم واحد وهو Hell Baby ، ياعني كأول تجربة لرعب وغموض خالص لا تعتبر سيئة وتعتبر بداية مشجعة ليه.

إقرأ أيضاً: Left behind .. واحد من الافلام اللي اتعرضت في عام 2014 مش اكتر

المخرج Kevin Greutert له اكتر من تجربة في عالم الرعب والغموض زي SAW 7 و SAW 6و مشاركة في بعض الافلام اللي مالاقتش نجاح.

في النهاية Jessabelle تجربة جيدة كان من الممكن انها تكون افضل.

التقييم النهائي من وجهة نظري المتواضعة 6/10

للتواصل مع الكاتب عبر فيسبوك: محمد عبد الخالق

Film Gamed: وبما إننا بنتكلم عن فيلم رعب بقى، ماتنسوش تتفرجوا على فيديو استعراض ومناقشة فيلم “وردة”:

مكان الأحداث هذه المرة هي الجليد اللانهائي في غياهب آلاسكا. أبطال الأحداث هم سبعة من عمال البترول الرجال. أما الأخطار، فبالإضافة للبرد القارس مع التناقص المستمر لمخزون الطعام و الشراب، هناك الخطر الأكبر و هو الذئاب. ذئاب لا تخاف من الإنسان لأنها في هذه الحالة تراه معتدي غير مرغوب فيه.

بطل الأحداث الرئيسي هو “أوتواي”. و “أوتواي”، في معسكر الشركة يعمل كموظف أمن مسؤول أصلاً عن حماية المعسكر من هجمات الذئاب عن طريق إصطيادهم … يوم ليك و يوم عليك!! “أوتواي” يحاول في كل موقف أن يعتصر خبرته لكي يجد حل أو خطة لانقاذ البقية المتناقصة من صحبته على أمل أن يبقى من يمكن إنقاذه و أن يظهر سبيل للإنقاذ.

الفيلم مخيف جداً و المخرج صاحب خطة محكمة ترتكز على، ما أحب أن أسميه، اللمسة الأخيرة. فحينما أنجح في أن أتأكد من إدراكك لأبعاد المشهد بدون ترك أي قطعة تفاصيل، يكون صوت الذئاب أو أعينهم اللامعة لمسة أخيرة كافية لإثارة أقصى درجات الرعب في قلبك.

مخرج الفيلم هو الأمريكي صاحب السجل المتواضع من الأفلام مخرجاً و كاتباً “جو كارنيهان”. أشهر أفلام المخرج قبل “The Grey” هو “The A Team” و هو فيلم فاشل برغم النجوم التي قامت ببطولته و على رأسهم “ليام نيسون” نفسه. “جو كارنيهان” كتب سيناريو الفيلم و أخرجه بناءً على قصة قصيرة. الفيلم طفرة إخراجية بالتأكيد ولا أعلم إذا كان صدفة عابرة أو بالفعل هي بداية جديدة لمخرج جيد في الأساس.

تقنياً الفيلم يمكن إعتباره مرجع للإبهار في غياب البذخ الإنتاجي، فمشاهد الصخب المعتادة، مثل تحطم الطائرة و هجمات الذئاب، تم تنفيذها ببساطة شديدة، تصل في بعض الأحيان للتجاهل التام. و لكن يوازيها إمكانيات تمثيلية استثنائية ل”نيسون” و “ميلروني” و حتى في اللحظات القليلة التي ظهر فيها الإكتشاف الجديد “جيمس إيرل بادج” و هو يقوم بالتصالح مع خبر أنه الآن يختبر تجربة موته، مع زوايا تصوير مبتكرة تتجنب تحدي الخدع البصرية الباهظة، فتشعر كما لو كنت رأيت كل شيء رغم أنك لم ترى أي شيء، و أخيراً و ليس آخراً موسيقى “مارك ستيرتنفيلد” التي تصاحبك بين مشاعر اليأس و الخوف و التحدي و الإستسلام و الحزن الأليم خصوصاً في مشاهد تذكر “أوتواي” لزوجته.

نيجي بقى لإسم الفيلم. “The Grey” في كثير من المواقف ينساق في إتجاه كارثي لأبطاله يبدون فيه في حاجة لمعجزة، معجزة معتادة في الطبيعة السينمائية و لكن ليس الأمور تدار بهذه الطريقة في الواقع … أو في هذا الفيلم. رؤية أبطال الفيلم لبعضهم البعض يتعرضون لهذه الأهوال يجعل الفكرة الرئيسية المسيطرة عليهم هي الموت. ماذا أستطيع أن أفعل للهروب منه، ماذا أحب أن أفعل لمرة أخيرة قبل أن أواجهه، ما هو مقدار الألم الذي سيمررني الموت من خلاله و السؤال الأصعب: ماذا سيحدث بعده؟! هل هناك شيء بعده أم هي نهاية كل شيء؟ و البعض يذهب لأبعد من ذلك و هو السؤال: كيف يكون شعور العدم؟! بين الذعر و الألم و الموت و العدم مساحة رمادية واسعة و مخيفة .. في إعتقادي الشخصي، هذه الرمادية هي السر وراء اسم الفيلم.

الفيلم ممتاز و أنصح كل محبي السينما الراقية أن يشاهدوه. الفيلم ليس جديد كلياً و بدأ بالفعل في الظهور على جداول بعض القنوات التليفزيونية. لمتابعة مواعيد عرض ذا جراي يمكنكم متابعة هذا الرابط.