بصراحة أنا كنت منتظر فيلم هنيدي الجديد بصرف النظر عن أي شئ لأني كنت عاوز أضحك يأي شكل وأتضح لي بعد مشاهدة التريلر إن الفيلم هدفه الكوميديا فقط ولا شئ أخر.

القصة:
زي ما بيوضح التريلر ان الفيلم بينتمي لنوعية افلام اليوم الواحد. الفيلم بتدور احداثه في يوم الفرح من أوله لأخره. و المواقف اللي بتحصل بين العريس والعروسة من الاستعداد للفرح ،البدلة والفستان، القاعة والمصورين والمأذون. والعريس له صاحب بيجيبله المشاكل وأخو العروسة مش طايق العريس. تقريبا الفيلم شمل كل المواقف اللي ممكن تحصل في الفرح. مش بس كده لأ ده كمان صعب الموقف اكتر من خلال ظهور واحدة كانت بتحب العريس قبل كده وبتحاول انها تمنع جوازه بأي طريقة. إذا هو ده كل محتوي الفيلم عدة مواقف ماشية بشكل متوالي طوال الفيلم.

شاهد أيضاً | استعراض ومناقشة فيلم “يوم مالوش لازمة” من “فيلم جامد”

الممثلين و شخصياتهم:
محمد هنيدي في دور “يحيي” العريس. عمل دوره بشكل معقول يعني. حاول يجدد بس مش اوي وده طبعا علي مستوي الكوميديا .

ريهام حجاج في دور “العروسة” . أدت دورها بشكل تقليدي جدا ومقبول في رأيي.

روبي في دور”بوسي” اللي كانت بتحب يحيي قبل ما يتجوز وهو ماكانش بيطيقها. بصراحة اول فيلم اشوفه فيه روبي! الحقيقة انا اتفاجئت بدورها الصراحة. شخصية مجنونة جدا و مريضة نفسياً، وهي دورها غرضه يشعل المواقف الكوميدية لكن كشخصية فهي مش كوميدية وانا شايف انها عملت المطلوب وخلتني اكرها مع تطور شخصيتها.

محمد ممدوح في دور “سامح” صديق يحيي الي بيعمله مشاكل دايما. تحية جامدة للراجل ده اللي ضحكني جامد خصوصا في مشاهده مع هنيدي. اول مرة كنت أشوفه كان في مسلسل إمبراطورية مين في رمضان 2014 وكان ممتاز الصراحة وبعدها في فيلم الفيل الأزرق. في الفيلم اداءه كان ممتاز وموظف بشكل جيد ضمن الاحداث.

هالة فاخر في دور أم يحيي. عملت دورها حلو تقريبا في كل مشاهدها.

نيجي بقي للأدوار الصغيرة في الفيلم: هشام إسماعيل،بيومي فؤاد،إلهام عبد البديع، احمد فتحي، ليلي عزالعرب. كلها ادوار مكتوبة حلو و ظهروا بشكل مناسب جدا في الفيلم.

إقرأ أيضاً: Time Lapse | حينما ينقلب السحر علي الساحر

السيناريو والإخراج:
الفيلم من كتابة عمر طاهر. وهو من الناس المميزين في الحقيقة. انا كنت شفت فيلمه اللي قبله”نظرية عمتي” وكان جيد بس. المرة دي كنت متشجع اعرف هيعمل ايه مع هنيدي. الفيلم عبارة عن مجموعة من المواقف الكوميدية مكتوبة بشكل حلو وجديد موظفة بشكل ملائم ضمن خط درامي الي حد ما متماسك. وانا اتصور ان عمر طاهر بذل مجهود في ايجاد المواقف المناسبة وربطها ببعض ضمن احداث القصة وشخصياتها الاساسية.

بالرغم من ان مفيش قصة ! الفيلم مواقف بس، ضحك بس. برافو! بس مش متعود علي كده من هنيدي، اللي علي الأقل بيكون لافلامه هدف حتي لو ظهر بشكل متواضع . حوار الفيلم الكوميدي متفاوت الحقيقة ببن مقبول وجيد وجيد جدا وكذلك المواقف. انا شخصيا ضحكت في الفيلم اووي واحيانا كنت ببتسم واحيانا لأ في مشاهد المفروض تضحك لكن ظهرت نمطية شوية. لكن في المجمل ضحكت حبة حلويين، يمكن اكتر من فيلم تيتة رهيبة اللي في رأيي افضل من يوم مالوش لازمة. لكن مقياس الضحك في الفيلم يمكن يقل شوية عن فيلم أمير البحار لكن مبذول فيه مجهود حلو.

شاهد أيضاً: بالفيديو | The Theory of Everything | استعراض ومناقشة بالعربي

الاخراج لأحمد الجندي “أفضل مخرج كوميدي حاليا ،يشهادة موقع فيلم جامد” بصراحة هو مخرج شاطر جدا و بيعمل مجهود كبير عشان شغله يطلع حلو. التعاون بينه وبين هنيدي في رأيي حلو، وحاول يبرزه بشكل معقول ولكن في رأيي ده مش مستوي هنيدي وده يمكن بسبب القصة؟! يمكن! او دوره. هنيدي ظهر بشكل مقبول ولكن منتظر منه افضل من اللي ظهر.

كان شئ غريب اختيار أحمد الجندي لروبي في الدور ده لكن واضح أنه بذل مجهود عشان تطلع بالشكل ده وكان اختيار جيد.

نيجي لشئ تاني وهو الصورة اللي ظهر بيها الفيلم. الاحداث والمواقف اللي داخل قاعة الفرح والفندق اللي تقريبا واخدة معظم احداث الفيلم كل ده كان جميل. انا حسيت اني حاضر معاهم الفرح و مهتم بكل تفاصيل الفرح . التصوير كان رائع جدا كمان. احلي حاجه كمان في أحمد الجندي كمخرج انه بيهتم بكل عناصر الفيلم الصغيرة قبل الكبيرة. بان ده في الادوار الصغيرة وضيوف الشرف اللي ظهروا كلهم بشكل جميل، ودي ميزة في أحمد الجندي ودليل علي ذلك افلام زي طير إنت والحرب العالمية الثالثة.

ايقاع الفيلم مقبول الي حد ما .

اللي معجبنيش في الفيلم بصراحة هو النهاية. قلشت منهم بصراحة، مش دي النهاية اللي ترضيني بعد شوية الضحك دول، بالرغم من ان النهاية كوميدية!!

كمان حاجة: تقريبا في كل فيلم لهنيدي بنطلع من بأفيه يعلم معانا. المرة دي مفيش! هي جملة تقريبا بيكررها كتير في الفيلم وموجودة في التريلر “زوق معايا اليوم بقي” وده بسبب كل المشاكل اللي بتحصله في فرحه.

كمان في مشهد في الفيلم اتعمل مثله في فيلم تيته رهيبة. مش عارف كرروه ليه.

إقرأ أيضاً: American Sniper | Shame on You EASTWOOD!!

التقييم النهائي:
فيلم يوم مالوش لازمة فيلم للضحك فقط. متحطش امال كتير عليه ﻷن أمره محسوم من التريلر. صناع الفيلم حبوا يخوضوا التجرية دي وده شئ مش وحش بس كان ممكن يطلع أفضل من كده. وقت ظريف قضيتوا في الفيلم لكن مش من أمتع الاوقات .

الفيلم يستحق 7/10

للتواصل مع الكاتب عبر فيسبوك: فادي ميشيل

قريباً سنقوم بتقديم مناسب لفيلم Saving Mr. Banks على FilmGamed.com و لكن في هذه المساحة سنستعرض معاً فيلم Captain Phillips و أهم المقومات التي تجعله من أكثر الأفلام التي تستحق الترقب و المشاهدة بمجرد عرضها و أولها، بجانب أن الفيلم من بطولة العظيم توم هانكس بطبيعة الحال، أن تاريخ عرض الفيلم هو ١١ أكتوبر ٢٠١٣ أي أنه منافس قوي في موسم الجوائز و حصان رهان جديد لسوني بيكتشرز مع الفيلمين الكبيرين الآخرين The Monuments Men و American Hustle.

قصة الفيلم كتبها الكاتب و السيناريست الأمريكي بيلي راي عن كتاب A Captain’s Duty: Somali Pirates الذي يروي فيه كابتن ريتشارد فيليبس بنفسه قصته الحقيقية التي وقعت أحداثها في أبريل ٢٠٠٩ على متن سفينة الشحن الأمريكية “مايرسك آلاباما” حينما تم مهاجمتها و إحتلالها على يد قراصنة صوماليين و كيف نجح في ضمان سلامة طاقم السفينة بالكامل ليتم أخذه كأسير وحيد. بيلي راي سيناريست متمرس سبق له من قبل تقديم أفلام Volcano و Flightplan و State of Play و Hart’s War، كما أنه أحد طاقم السيناريو الإستثنائي لملحمة The Hunger Games.

مخرج الفيلم هو بول جرينجراس، صاحب النظرة الإستثنائية في أفلام الأكشن، و التي تظهر بوضوح في تريلر فيلم Captain Phillips, و هو من قدم لنا من قبل The Bourne Supermacy و The Bourne Ultimatum، كما أنه يحمل ترشيح لجائزة أوسكار كأفضل مخرج في عام ٢٠٠٦ عن فيلمه United 93 الذي قدم فيه القصة البطولية لطاقم و ركاب الطائرة الأمريكية الوحيدة التي سقطت قبل ضرب هدفها في أحداث ١١ سبتمبر.

يبرز و يتألق بشدة في إعلان الفيلم القرصان الصومالي، و الإكتشاف العجيب، برخاد عابدي و هو ممثل صومالي يظهر في هوليوود للمرة الأولى. بل هو في الواقع يظهر كممثل لأول مرة حيث أنه لا يملك أي أدوار سابقة في أي بلد. ظهوره في التريلر مثير للإهتمام بشكل كبير حيث أنه لا يتمتع بهيئة سينمائية و سطره المميز “أنظر إلى، أنظر إلي .. أنا الكابتن الآن” بنبرة صوته البسيطة التي لا تتسم بالثقة، يدفعك للقلق حقاً. بدون أن يشاهد أحد الفيلم، بدأت بالفعل فراشات الأوسكار تتطاير حول الإكتشاف الجديد.

لم يسبق Captain Phillips في معالجة المواجهات بين السفن المسالمة و القراصنة الصوماليين سوى الفيلم الدنماركي المتميز A Hijacking الذي تم طرحه في عام ٢٠١٢، رغم أنه لم يظهر في دور العرض الأمريكية إلا في يونيو من العام الحالي. فيلم A Hijacking نال استحسان عالمي كبير مما يرفع مستوى التحدي على Captain Phillips لاحتياجه لتجاوز هذا النجاح أذا أراد حقاً أن يترك علامة مؤثرة. بطبيعة الحال، و كما تعرفون جميعاً، فأن السينما المصرية كانت قد سبقت قرينتيها الدنماركية و الأمريكية بفيلم تناول ظاهرة القراصنة الصوماليين .. هل تذكرون هذا الفيلم؟ شاركونا بالإجابة في التعليقات.